صباح الخير!
صباح الخير يافندم، اي خدمة؟
من فضلك عايزة مسئول هنا!
أؤموريني..
بص هو أنا جاية أعمل مشكلة عشان خلاص بصراحة جبت أخري وانت شكلك موظف صغير ومالكش ذنب..
هحاول اساعد حضرتك اكيد، قوليلي بس ايه بس مضايقك!
النهاردة صاحية متكسرة ومصدعة كأني كنت بلف ف ساقية.
هل حد من التييم عندنا اتسبب ف ازعاج لحضرتك!
تييم!، انت بتسمي المعاتيه دول تييم!
يافندم أصل....
يعني ايه امبارح احلم اني عندي اكونت ف البنك وبالصدفة قال ايه قلت ابص علي الستيتمينت، وبالصدفة برضه اكتشف ان في مبلغ كبير جداً ناقص بقاله سنة، ولما اقلب ف الذاكرة يطلع اني اشتريت بالمبلغ عربية لوجان فضي وركناها تحت البيت واتسرقت، وانا طووووول الحلم ورررك ورررك وبوليس ونيابة وبلاغات بندور ع العربية الفضي وطلعت ف الاخر سودة!!!
يعني ايه امبارح احلم اني عندي اكونت ف البنك وبالصدفة قال ايه قلت ابص علي الستيتمينت، وبالصدفة برضه اكتشف ان في مبلغ كبير جداً ناقص بقاله سنة، ولما اقلب ف الذاكرة يطلع اني اشتريت بالمبلغ عربية لوجان فضي وركناها تحت البيت واتسرقت، وانا طووووول الحلم ورررك ورررك وبوليس ونيابة وبلاغات بندور ع العربية الفضي وطلعت ف الاخر سودة!!!
طب اشرحيلي بس حضرتك ايه بالظبط الجزء اللي بتشتكي منه!
اشتكي اييييه، بقولك التييم الحمير بتوعك دول حاطنلي بنك ستيتمينت في الحلم!، وبعدين عربية ايه اللي اشتريها وانساها سنة ف الشارع وكماااااان تتسرق، يا سلااااام، لا وإيه رينو لوجان!، واللي زاد وغطي انها فضي، وبعدين سودا، شوف البؤس!!!
أنا مش فاهم بس مشكلة حضرتك، علي فكرة حلم حضرتك مميز ومش بنطلعه لأي زبون، حضرتك اقسملك انتي عميلة مميزة جداً!!!
مميزة ايه بس ونيلة ايه، تقوم تديني لوجان، وسودة، ياخي عيب يا أخي، اومال لو مش مميزة كنتوا ادتوني ايه!
علي فكرة، في عميل خد مقطورة، واتمسك ع الدائري، وفضل يلف ورا ظابط اللجنة طول الشيفت عشان يرجعله الرخص ولحد ماصحي ماكنش رجعهم، اضطر يكمل الحلم تاني يوم، وهو حاطط خمسين جنيه تحت المخدة، وحضرتك واخدة عربيتين وبنك ستيتمينت من غير اي ضمانات وكمان طلع معاكي كومبارس ظباط ونيابة، ف ايه حضرتك بقا، كلك ذوق يعني!!!
نععععععم، بقولك ايه انا شغل النحنة ده ماينفعنيش، أنا عايزة مسئول الاحلام ف ميتين ام المخ ده بدل ما اعمل مصيبة، ااييييوة، انا من حلوان يابا وماينضحكش عليا!
مسئول الاحلام مش موجود للأسف،حضرتك ممكن تبعتيله رسالة!
ازاي يعني!
أرسل كلمة حلم أو دريم، قد تكوني احد الرابحين بحلم الاكس 6 الجديدة!!!
ولو ماحصلش؟
هيحصل!
عموماً بلغ مديرك، ان ماكنش هيتلم ويجيب احلام حلوة، انا هوقفله السبوبة دي كلها واتغطي كويس قبل ما انام!!
يافندمممم...
اللي عندي قولته!، سلامو عليكو!!!
#Mai_Mix
#مسئول_الأحلام
#مصطفي_الأغا
#مسئول_الأحلام
#مصطفي_الأغا
👍
ردحذف