-بسم الله الرحمن الرحيم، انت مين ولا ايه انت، عفريت، يالهو...
-*بيحط المطوة علي رقبتها* بس لا أشقك يا بت، أنا ملاك الحب!
-ملاك إيه ياخويا؟
-ملاك الحب يا مقصوفة الرقبة!
-وعايز إيه يا سي ملاك الحب ف ليلتك الهباب دا اهيه!
-عايز أعرف إنتي هتتلمي إمتي وتتجوزي يا بت يا شمال وتبطلي تشحططي اللي جايبيني؟
-أنا جيت جامبك يالا!!!
-إنتي مش لسه كنتي من دقيقة بتدعي إن الواد طارق عفشة يكلمك!
-وانت مالك ومال طارق بقا؟
-يعني هو هيكلمك من نفسه كدة... يا حمارة،،، أنا اللي باخد الأوردر، أوزعه علي باقي القسم، واحد بيطلع بالفيزبا علي ورشة طارق، وواحد بيحول له رصيد، وواحد بيكلمه يقوله حولتلك رصيد بالغلط وياريت ترجعهولي، وواحد تالت يقوله افكسلهم وكلم البت حنان، يقوم مكلمك علي طول!
-والنبي صحيح!، يعني كان هيكلمني؟
-أه كان هيكلمك!
-طب وماكلمنيش ليه؟
-ما إنتي اتشكيتي ف لسانك خلصتي دعوة طارق عفشة من هنا، روحتي لاضمة معاها دعوة علاء عراوي من هنا، مابقيتش عارف أبتدي ب علاء ولا طارق..
-لأ خلينا ف طارق، واد كسيب وإيده سايبة، عراوي ده مفلس وفين وفين علي ما بيفك عروة!
-طب وأول إمبارح كنتي متشحتفة علي سيد توكتوك، ومن شهر خليتيني دبيت مشوار لحد ليبيا عشان سي محروس مبيض المحارة بتاعك، يا بت اتلمي بقا، ده أنا بفكر أتحول بني أدم واتجوزك بدل الفرهدة دي!!!
#Mai_Mix
#عفروتو
#عفروتو
0 التعليقات:
إرسال تعليق