#يوميات_المواطن_سكر
يوم 5
الله الله الله، حاسب يا اسطي، يا اسطي يا اسطي، مات الاسطي، يادي الكارثة، يادي الوكسة، ايه راح تعمل بس يا سكر، الاتوبيس من غير سواق..لا..ده السواق من غير اتوبيس..
ردت راكبة " نزلي هنا ف ميدان رمسيس"
رد السكر "الصبر يا حاجة، الوقوف هنا شكله عويص"
صرخت فاجئة "لأ نزلني بأي طريقة، بنتي معايا علي وش ولادة"
جاوب السكر "يادي النيلة، يادي الحوسة، أبوس أنا علي يدك ميت بوسة، تمسكي نفسك والننوسة.."
زعق راجل "نزلها يا حضرت، دي ساعتها وجبت"
قال السكر "ماشي يا سيدي، زعقلنا كدة ف الاتوبيس، شوف حد خبير ف الترصيص، فيه عجلة بتحدف مني شوية كل ما احاول ارمي يمين!"
زعق الراجل ف الأتوبيس "ايه يا اخواننا..فيه حد خبير ف الترصيص؟"
رد واحد "أيوة أنا بعرف.. أرص حجارة، عندنا قهوة ف قلب الحارة"
رد السكر "عامل قهوة؟، يادي اللهوة!"
رد الراجل "لأ يا اخينا مش ده المقصود، ده انت تخصص عبد المعبود"، ردت واحدة "يا اسطي بسرعة، الحالة صعبة، دي البت ضعيفة يا ولداه، محتاجة لمساعدة ولنجاة"
رد السكر "بصراحة يا ست أنا مش سواق، وعمري ما سوقت سوي معدية من امبابة لآخر الوراق، مش عايزك أبداً تتخضي، بس خلاص أنا جبت ف أخري، محتاج أنا برده لأي مساعدة..لحد يكون سواق أتوبيس، أو متخصص في الترصيص"
فجأة..قامت تجري الست الحامل، شدت سكر من ع الكرسي وراحت قاعدة وضاربة فرامل، يادي النايبة، يادي النكبة، الأتوبيس راح واقف فجأة..
الكل صرخ بإستغراب، ليه يا اسطي عملت الوقفة بكل غباء، شاور سكر قدامه علي يافطة "مرحباً في مستشفي الجلاء"!
يوم 5
الله الله الله، حاسب يا اسطي، يا اسطي يا اسطي، مات الاسطي، يادي الكارثة، يادي الوكسة، ايه راح تعمل بس يا سكر، الاتوبيس من غير سواق..لا..ده السواق من غير اتوبيس..
ردت راكبة " نزلي هنا ف ميدان رمسيس"
رد السكر "الصبر يا حاجة، الوقوف هنا شكله عويص"
صرخت فاجئة "لأ نزلني بأي طريقة، بنتي معايا علي وش ولادة"
جاوب السكر "يادي النيلة، يادي الحوسة، أبوس أنا علي يدك ميت بوسة، تمسكي نفسك والننوسة.."
زعق راجل "نزلها يا حضرت، دي ساعتها وجبت"
قال السكر "ماشي يا سيدي، زعقلنا كدة ف الاتوبيس، شوف حد خبير ف الترصيص، فيه عجلة بتحدف مني شوية كل ما احاول ارمي يمين!"
زعق الراجل ف الأتوبيس "ايه يا اخواننا..فيه حد خبير ف الترصيص؟"
رد واحد "أيوة أنا بعرف.. أرص حجارة، عندنا قهوة ف قلب الحارة"
رد السكر "عامل قهوة؟، يادي اللهوة!"
رد الراجل "لأ يا اخينا مش ده المقصود، ده انت تخصص عبد المعبود"، ردت واحدة "يا اسطي بسرعة، الحالة صعبة، دي البت ضعيفة يا ولداه، محتاجة لمساعدة ولنجاة"
رد السكر "بصراحة يا ست أنا مش سواق، وعمري ما سوقت سوي معدية من امبابة لآخر الوراق، مش عايزك أبداً تتخضي، بس خلاص أنا جبت ف أخري، محتاج أنا برده لأي مساعدة..لحد يكون سواق أتوبيس، أو متخصص في الترصيص"
فجأة..قامت تجري الست الحامل، شدت سكر من ع الكرسي وراحت قاعدة وضاربة فرامل، يادي النايبة، يادي النكبة، الأتوبيس راح واقف فجأة..
الكل صرخ بإستغراب، ليه يا اسطي عملت الوقفة بكل غباء، شاور سكر قدامه علي يافطة "مرحباً في مستشفي الجلاء"!
0 التعليقات:
إرسال تعليق