#يوميات_المواطن_سكر
يوم 3
وصل السكر، وصل المكتب؟، لأ ماوصلشي، وصل السكر، طلب الفول وشوية طرشي، أيوة أومال، تيجي ازاي، يروح المكتب قبل الأكلة وقبل الحبسة بحبة شاي، "لفه يا عم، لفه كويس، بعد اللفة قوله يكيس"، كيس واتنين، ما انتاش عارف رايحين فين!
رايح شغلي، مديري مش دوغري، بيحب الأكل زي عنيه، لازم رشوة..لازم أكلة..أكسر بيها نن عنيه، يوم والتاني خد ع اللعبة، قولت وماله ده الفول خدعة، حباية تملي بطن الغول، بس كويس اني لحقت القدرة، قبل مايخلص منها الفول، أصلاً مكتوب ع العربية، ان خلص الفول أنا مش مسئول..
طار ع المحطة، وحطة يا بطة، يا دقن القطة، أركب ايه، أركب مين عشان أوصل أسرع؟، ردوا بسرعة وقالوا "اركب صاحبك، توصل أسرع"، "أركب صاحبي؟، بس أنا مجدع!"، لأ ده أنا عمري ف مرة ما اخون، اركب كارو أو مرجيحة، ربنا يبعد أي فضيحة، ده اللي يشوف بلوة غيره، عليه بلوة نفسه تهون، حتي لو كان دينه كبر وبقا يجي كام مليون!
0 التعليقات:
إرسال تعليق