#يوميات_المواطن_سكر
يوم 4
ركب المجدع، طلع أتوبيس، علي ف صوته وقال خلاويص، اطلع يا اسطي، اجري بسرعة، دوس بنزين، لأ ماتدوسشي، اه ماتقولشي، عرفت أكيد..ومين ماعرفشي، غلي المحروق، غلي بزيادة، لأ ده غلوه أصبح عادة، استني شوية..استني كمان، بكرة أبو قرش يكون بإتنين، ياما هنسمع..ياما هنشوف..
تروماي خبطه، عمل حادثة، لأ ما هي ناقصة، اركن يا أسطي، اركن شوف، نزل الأسطي، نزل التاني..قاله خير..سلامة الشوف، رد الأسطي، قال لا مؤاخذة..الحق عليا..بس ده كله كحت حروف، ستر المولي ف عز الأزمة..يعلم وحده إيه الظروف، خير ف سلامة.. وسلامة ف خير، دي الكلمة الحلوة..تسوي ألوف!
0 التعليقات:
إرسال تعليق